ЭССЭ БИЧИХ АРГА ЗҮЙ
Эссэ бол "Хүн хүндээ өөрийн үзэл бодол болон сэтгэлийн хөдлөлөө илэрхийлэхэд зориулагдсан бичгийн хэлний нэгэн хэлбэр юм.” Бидний өдөр тутмын амьдралд тааралдаж байдаг бусад бичгийн хэлнүүд буюу лекц, сонингийн мэдээ зэргээс ялгарах онцлог нь гэвэл эссэ бол чиний өөрийн үзэл бодлыг илэрхийлэх боломж гэдэг утгаараа илүү ойр дөхөм давуу талтай байдаг.Эссэ нь дотроо бичих төрлөөсөө хамааран ерөнхийдөө *батлан нотлох (persuasive essay), *мэдээлэх (informative essy), *шинжилгээ судалгааны (analytical essay) гэсэн 3 үндсэн хэлбэртэй байдаг.
ЭССЭ БИЧИХЭД ТАВИГДАХ ШААРДЛАГУУД
Эссэ нь бүтэц, агуулга, бичвэрийн хэлбэрийн хувьд тодорхой шаардлагуудыг хангасан байх ёстой.Эссэ нь бүтцийн хувьд дараах үндсэн хэсгүүдтэй байна.
- Нүүр хуудас
- Сэдвийн нэр
- Удиртгал хэсэг
- Үндсэн тайлбар хэсэг
- Баримт нотолгооны хэсэг
- Дэвшүүлсэн өөрийн санаа
- Дүгнэлтийн хэсэг
- Ашигласан ном материалын жагсаалт
Хэсэг бүрийг бичихдээ хоорондын холбоо, логик уялдааг сайтар гаргаж өгсөн байх ёстой. Эссэ нь үг үсгийн алдааг хянасан, Times New Roman фонтоор, үсгийн хэмжээ нь 12, мөр хоорондын зай нь 1.5 р1, А4 цаасан дээр, хуудас бүрийг дугаарласан, хоёр талаас нь зэрэгцүүлж тэгшилэх (Justify ) шаардлагатай. Хэсэг, дэд хэсэг, бүлгүүдийг Font style- ээр ялгаж өгсөн, цэг таслалын дараа заавал нэг зай авч, нийт 10-аас доошгүй хуудас байна.
